Tuesday, March 2, 2010

girlfriend

你拉著你的小女友,在草地上跑跑跳跳,就像昔日我和你的爸爸一樣,世界仿佛只有我倆。


(rafael and little k, his dearest girlfriend at school)

老師不久前跟我們說,你和小K在學校像對孖公仔。有時放學後你會開心地跟我們說,在學校和小K一起去坐纜車,又就在玩具屋開店賣雞蛋仔。那天到老師家燒烤,我們終於親眼看到了,你常常要去拉著小K的手,她說的她做的,你都特別關心。

前兩天你說要跟我結婚,我說不行呀,我和爸爸結了婚嘛,你要找個你喜歡又想跟她一起的女孩子結婚啊!你想都不用想就說:小K啊!

九月你就要轉校了,就像你熟悉的hermit crab要找個新的家,認識新的朋友。新學期開始後,不知你會不會掛念小K?

9 comments:

alsace said...

果真是異性相吸,我都覺得Aidan喜歡同女仔玩。Rafael學校老師很好呀,於課餘時間也會邀請學生及家長聚會。

Amy:我早兩日再聯絡Rafael將會就讀的那間學校。確認了若錄取Aidan也只會安排4歲班,現在暫未有學位,不過有的機會也不高,因為要等有學生退學。如果幸運地有位了,也只是讀1年便上intl primary school。除非是在那校讀完k3後考local primary,不過入得intl kinder又比較難考入local primary。都係怪自己之前考慮得慢,遲了提交申請。

馬渡太太 said...

我屋企個御宅男會唔會有呢一日呢? 因為佢只鍾意同男仔玩,唔鍾意同女仔玩架...@@

aulina said...

好快會唔記得架! ;P

Vic said...

記得架! 不過可能係因為呀媽成日提住。

amy said...

alsace: rafael有响學校玩"屋企人"遊戲,佢成日話"女仔先係屋企人架!", 都係唔知點解會咁諗。

教育問題真係好煩惱, 特別aidan係12月出世。唔好怪自己, 我地都係隨遇而安, 亦未知幼稚園後會點樣。

馬渡太太: 第時同我個女玩!

aulina & vic: 哈哈, 係咪媽咪同仔嘅分別? 不過幾個月前响育嬰院嘅野,rafael都忘記哂啦。

Kambayashi said...

very warming...

SoCow said...

RAFAEL, 出面個森林好大架!!!

SoCow said...

下一句我唔寫了,你亞爸應該識以過來人身份教你的...

Mac said...

我就係為了一棵樹,而......